Baştagï -  

 Jazmalar - 

 Audio -

 Foto -

Video -

Notalar -

  Süzlär -

Şigïr'lar -

Links -  

Kunak_kitabï - _

Cir

Elvira GÏJSMÄTULLINA
Xämzä BÄDRETDINOV

Sandugaç sajramïjça tүzä almïj

Tatar dönjasïn şaulatïrlïk vakïjga bulsa da, 4 nçe gimnazijadä 28 oktjabrdä uzgan Sara Sadïjkova isemendäge Kalfaklï sandugaç konkurs-festivale milli mäglүmat çaralarïnnan çittäräk kaldï. JUgïjsä, kompozitorïbïznïñ isän çagïnda da bajtak kagïlïp-sugïluïn istä totïp, cïrçïlar häm uençïlar bäjgesen märxүmä ruxïna bagïşlangan igelekle çara itep kүrsätergä nïklï cirlek bar. Tik, kiräklege kүzgä bärelep torsa da, xalkïbïz sängate xäzinäsendä 400 dän artïk cïrïn kaldïrgan moñ ijaseneñ varislarïn ezläүgä, tabuga, tanïtuga bagïşlangan jaktï kiçägä mägnäsenä täñgäl kilerlek igtibar birelmäde.

Bitaraflïk salkïnlïgïnïñ säbäbenä kilgändä, ömetle häväskärlärne kanatlandïruçï älege matur başlangïçnïñ jugarïdagï tүrälär kүrsätmäse buença ternäklänmävendä. Festival jaşäү sulïşïn millät canlï fidakarlär - tatar gimnazijase direktorï Ilxanija Vaxitova häm Sara apa kïzï Älfija Ajdarskajanïñ ixlas omtïlïşïnnan alganlïktan, anï үtkärү alarnïñ şäxsi mäşäkatlärenä äjlängän dä kalgan. Tatarstannïñ Mädänijat, Mägarif häm fän ministrlïklarï bïltïr başlangan, ä bïel kabatlangan ikençe konkurska däүlät kүlämendäge möhim eş itep karïj belmägäç, ike genä keşe niçek inde radio, televidenie, gazeta-zhurnallar redaktsijaläre belän elemtä urnaştïrïp betersennär? Respublikanïñ jözärlägän mäktäplärenä çakïru cibärergä niçek ölgersennär?

Ämma sandugaç kebek sajramïjça tүzä almauçï moñlï үzeşçännär үz bäjge-bäjrämnäreneñ buluïn bik telilär.

Ber-bersennän işetep, Şähri Kazanda basïlïp çïkkan iglan aşa xäbär alïp, Tatarstannïñ häm Rossijaneñ xalïk artistï, G.Tukaj premijase laureatï, kүrenekle kompozitor Sara Sadïjkovanïñ muzee urnaşkan gimnazijagä xïjal kanatlarïnda oçïp-aşkïnïp kilälär.

Monda bernindi jasalmalïlïk juk, - di bu uñajdan Ak kalfak Bötentatar xatïn-kïzlar berläşmäse räise Kamärija Xämidullina. - Sara apanïñ cïrlarï böten zamanga jarïj. Anïñ äsärlären balalar da, ölkännär dä räxätlänep, jaratïp başkara. Bu - çïn klassika. Festivaldä dүrt şäkerte - Apas rajonïndagï Karatun mäktäbennän Ilnaz Bilalov, Laeştan Alinä Mäүlävieva, Kazannïñ 90 nçï mäktäbennän Rifat Şärifullin, 159 nçï litsejdan Läjsän Gajfullina katnaşuga ixlas kүñeldän söenүçe TDGPU dotsentï, Tatarstannïñ xalïk artistï Miñgol Galiev isä Kalfaklï sandugaçka mönäsäbäten bolaj belderä: Xäzerge vakïtta millätneñ cïr sängatendä ike junäleş xakimlek itä. Anïñ berençese -kүbräk akça kaerïp kaluga korïlgan şau-şulï kiçälär. Bolarnïñ gomerläre ozïn tүgel. Alar istä kalmïjlar, tiz onïtïlalar. Kontsertlarnïñ ikençe töre isä xalïk icatï belän bergä үrelep, tärbijavi juldan bara. Bu ölkädä Sara apabïznïñ jardäme bik zur. Ul, cïrçï häm kompozitor bularak, äsärläre belän tatar xalkïnïñ moñïn baeta. Millätebezneñ үzençälekle dönjasïn açarga bulïşa. Kiçereşlärne xiskä bäjläp, үzeşçännärne dä, artistlarnï da säxnägä çïgara. Hönäri taläpçänlek jagïnnan başkaruï avïr kebek toelgan cïrlar, xalïkçan tojgïlarga törelgänlektän, bik ciñel başkarïla. Kazan däүlät konservatorijase professorï, skripkaçï Marat Äxmätov äjtmeşli, Sara Sadïjkovanïñ mädäni xäzinäse rux bajlïgïna äjlänä. Festival, ähämijate belän Tatarstan, Rossija kiñlegenä genä sïjmïjça, dönja bujlap taralgan millättäşlärne xalïkara xezmättäşlekkä çakïra.

Çïnï da şul: teläktäşlären tapkaç, bïelgï bäjge tagï da kiñräk dairädä, jugarïrak däräcädä uzdï. Monda, Kazannïñ kүp mäktäplärennän tïş, Tatarstannïñ Apas, Laeş, JAşel Үzän, Ägerce rajonnarïnnan, Rossijaneñ Mäskäү häm Sankt-Peterburg şähärlärennän jaş başkaruçïlar katnaştï. Sүz, köj, moñ bergä kuşïlgaç, tännär essele-suïklï buldï, kүzlär jaşlände.

Märtäbäle zhjuri ägzalarï - muzïka belgeçe Zemfira Säjdäşeva, skripkaçï Marat Äxmätov, balet säxnäse veteranï Älfija Ajdarskaja, bajançï Kiram Satiev, Sara Sadïjkova icat fondï räise Äzhär Xösäenov, Mäskäүdäge Şatlïk ansamble citäkçese Zämzämija Säxabetdinova ciñүçelärne tanïş-beleşlär häm dus-işlär arasïnnan ezlämiçä, bäjane sälät kүrsätkänçä karap kujgaç, kүñellärdä kanägatsezlek xise kalmadï. Vokal ansambllärneñ, aerïm başkaruçïlarnïñ, Sara Sadïjkova köjlären törle uen korallarïnda jañgïratuçïlarnïñ iñ kүrkämnäre, illeläp çïgïş arasïnnan berämtekläp sajlangaç, ostalïk ölgesenä tiñläşterelep danlandï.

"Şähri Qazan" , 2005el

Automatic translation