Ак пароход

Сара Садыйкова көе,
Гөлшат Зәйнашева сyзләре

Дулкыннан җырлап тирбәлә
Киң Идел кочагында,
Аккош кебек ак пароход
Үтеп киткән чагында.

Ак пароход алып китте
Иркәмне еракларга.
Алып китте, моряк итте
Ил чикләрен сакларга.

Ак пароходтан сорадым,
Кайчан кайтыр иркәм, дип,
Идел буйларында тагын
Очрашырбыз микән, дип.

Ак пароход җавап бирде:
Сөя белгән түзгән, дип,
Аерылдыгыз вакытлыча,
Кавышырсыз тиздән, дип.

Иделдә дә, диңгездә дә
Дулкыннар тыныч аксын.
Ак пароходка утырып,
Иркәм исән-сау кайтсын!..

AQ paroxod

Sara Sadïjkova köe,
Gölşat Zäjnaşeva süzläre

Dulkïnnan cïrlap tirbälä
Kiñ Idel koçagïnda,
Aqkoş kebek ak paroxod
Ütep kitkän çagïnda.

Aq paroxod alïp kitte
Irkämne eraklarga.
Alïp kitte, morjak itte
Il çiklären saklarga.

Aq paroxodtan soradïm,
Kajçan kajtïr irkäm, dip,
Idel bujlarïnda tagïn
Oçraşïrbïz mikän, dip.

Aq paroxod cavap birde:
Söja belgän tüzgän, dip,
Aerïldïgïz vakïtlïça,
Kavïşïrsïz tizdän, dip.

Ideldä dä, diñgezdä dä
Dulkïnnar tïnïç aksïn.
Aq paroxodka utïrïp,
Irkäm isän-sau kajtsïn!..