Җыр сораган чагы күңелемнең

Сара Садыйкова көе,
Гарифҗан Мөхәммәтшин сyзләре

Чыгам кабат туган кырларыма,
Офыкларым зәңгәр-күгелҗем;
Җырлап үтәм арыш басуларын,
Җыр сораган чагы күңелемнең.
Җырлыйк, әйдә,
Арышларым,
Җыр сораган чагы күңелемнең!

Сөенечем сыймый күкрәгемә,
Моңнар ага ташып күңелемнән;
Бәхет җырын җырлый тугайларым,
Тургай кушыла зәңгәр күгеннән.
Җырлыйк, әйдә,
Тургайларым,
Җыр сораган чагы күңелемнең!

Гомерем буе, сөеп туган җирне,
Күпме назлы җырлар җырладым;
Башка җырлар кирәк түгел миңа
Җырлап торган чакта кырларым.
Бергә-бергә
Җырлыйк, әйдә,
Җыр сораган чагы күңелемнең!

Cïr soragan çagï küñelemneñ

Sara Sadïjkova köe,
 Garifcan Möxämmätşin süzläre

Çïgam kabat tugan kïrlarïma,
Ofïklarïm zäñgär-kügelcem;
Cïrlap ütäm arïş basularïn,
Cïr soragan çagï küñelemneñ.
Cïrlïjk, äjdä,
Arïşlarïm,
Cïr soragan çagï küñelemneñ!

Söeneçem sïjmïj kükrägemä,
Moñnar aga taşïp küñelemnän;
Bäxet cïrïn cïrlïj tugajlarïm,
Turgaj kuşïla zäñgär kügennän.
Cïrlïjk, äjdä,
Turgajlarïm,
Cïr soragan çagï küñelemneñ!

Gomerem bue, söep tugan cirne,
Küpme nazlï cïrlar cïrladïm;
Başka cïrlar kiräk tügel miña
Cïrlap torgan çakta kïrlarïm.
Bergä-bergä
Cïrlïjk, äjdä,
Cïr soragan çagï küñelemneñ!