Яшьлегем эзләре

Сара Садыйкова көе,
Мансур Шиһапов сyзләре

Җил белән серләшкән каеннар
Яңарта яшьлегем хисләрен.
Шомыртлар ак шәлен ябынса,
Сагынам авылым кичләрен.
Сагынам, сагынам өзелеп
Ялкынлы яшьлегем эзләрен.

Назлы җил, салмак җил китерә
Чәчәкле болынның исләрен,
Мин тоям, тоям мин җилләрнең
Яшьлектән наз булып искәнен,
Сагынам, сагынам өзелеп
Шул назлы яшьлегем эзләрен.

Бирелеп хыялга, уйларга,
Тыңлыйм мин агышын чишмәнең.
Чишмәләр җырлыйлар моң итеп,
Җырлыйлар яшьлегем хисләрен.
Мәңгегә сакласын авылым
Давыллы яшьлегем эзләрен.

Jaş’legem ězläre

Sara Sadïjkova köe,
 Mansur Şihapov süzläre

Cil belän serläşkän kaennar
Jañarta jaş’legem xislären.
Şomïrtlar ak şälen jabïnsa,
Sagïnam avïlïm kiçlären.
Sagïnam, sagïnam özelep
Jalkïnlï jaş’legem ězlären.

Nazlï cil, salmak cil kiterä
Çäçäkle bolïnnïñ islären,
Min tojam, tojam min cillärneñ
Jaş’lektän naz bulïp iskänen,
Sagïnam, sagïnam özelep
Şul nazlï jaş’legem ězlären.

Birelep xïjalga, ujlarga,
Tïñlïjm min agïşïn çişmäneñ.
Çişmälär cïrlïjlar moñ itep,
Cïrlïjlar jaş’legem xislären.
Mäñgegä saklasïn avïlïm
Davïllï jaş’legem ězlären.