ЯШЬ КҮҢЕЛ

Сара Садыйкова көе,
Гөлшат Зәйнашева сyзләре

Син яшь, диләр, һәрвакыт яшь күңелле, диләр,
Көннән-көн яшәрәсең, дип, миннән көнлиләр;
Яшәрәм, дусларым, чөнки гүзәл яшьлеккә гашыйк мин,
Шуңа күрә картаерга бер дә ашыкмыйм.

Син шат, диләр, һәрвакыт шат күңелле, диләр,
Шат күңелле булуыңның серен әйт, диләр.
Күңелем шат, чөнки, дуслар, яшим мин бәхет илендә,
Чәчәк аткан гөлбакчадай туган җиремдә.

Син бик уңган, карлыгачтай бик җитез, диләр,
Колхоз кырларында эшләп үстеңме, диләр.
Эшләп үстем, дусларым, мин тургайларның җырын тыңлап,
Шуңа күрә тургай сыман яшим мин җырлап.

JAŞ’ KÜÑEL

Sara Sadïjkova köe,
Gölşat Zäjnaşeva süzläre

Sin jaş’, dilär, härvakït jaş’ küñelle, dilär,
Könnän-kön jaşäräseñ, dip, minnän könlilär;
Jaşäräm, duslarïm, çönki güzäl jaş’lekkä gaşïjk min,
Şuña kürä kartaerga ber dä aşïkmïjm.

Sin şat, dilär, härvakït şat küñelle, dilär,
Şat küñelle buluïñnïñ seren äjt, dilär.
Küñelem şat, çönki, duslar, jaşim min bäxet ilendä,
Çäçäk atkan gölbakçadaj tugan ciremdä.

Sin bik uñgan, karlïgaçtaj bik citez, dilär,
Kolxoz kïrlarïnda eşläp üsteñme, dilär.
Eşläp üstem, duslarïm, min turgajlarnïñ cïrïn tïñlap,
Şuña kürä turgaj sïman jaşim min cïrlap.